I chhut ve ngai em?

Ui vulh kan uar tual tual a, kan ui vulhte pawh a chi a țha tulh tulh a, mahse a tam zawk hi chuan kan vulh dan kalhmangah hma a sawn lem lo niin sawi a awm fo a, a inti hrechiang țhenkhat phei chuan kan ramah hian ui vanga intihpalh (accident) a tam tulh tulh an hlauthawng zek zek tawh zawk hial a. Chuvangin kan ngaihtuahna tizautu leh ui vulhtute kan in enletna atan hei le point paruk!

1. EXPERT REVIEW: Ui lam zirchiangtu mithiam te chuan guard dog leh fight dog kan tih ho reng reng hi ui la vulh ngai lo (First time handler), vulh țan tur te tana vulh turin an kawhhmuh ngai lo.. Mahse keini chuan kan awhna chiah changchawiin kan vawikhat vulhnaah pawh heng ui te hi kan la nghal chat ngam tlat!

2. TEMPERAMENT: Ui chi (breed) tin hian zia an nei a, chu zia chu a enkawl hneh ber tan pawh a pumhluma thlakthleng tir vek theih loh chin a awm niin an sawi țhin a. Mahse, keini chuan ui kan lâk dawnin a zia aiin a hmel leh pian kan thupui hmasa fo lawi si!

3. BOND FOR LIFE: Ui leh a enkawltu (a pi/pu) hi damchhung daih niin an sawi a, mahse keini chuan kan thehthang fo lawi si. Ui țha, fing leh rinawm tak kan duh a; mahse chutiang chiah chuan ui pawh hian ui țha ni thei tura enkawl uluk peihtu pu/pi, tifing tura zirtir peih leh rinawma siam tura chulnel tam peih a mamawh ve zia lam reng kan chhut lo fo!

4. TIME SPEND: I ui vulh mek nena hun hmang duna kawmhlim tur tan khan nikhatah darkar engzah nge i pek han chhut teh le.. I ui kha chuan i haw hun nghak reng rengin a nileng hun a hmang a sin!

5. HOW YOU SPEND: I ui nen chuan hun in hmang dun mang bar lo a ni thei a, engtik lai pawhin in awm dun deuh chawt pawh a ni thei. Mahse i ui kha ui țha leh fing ni thei tura a pawimawh lai ber chu in hun hman dun chhung in hman țangkai zawk kha a sin!

6. PASSION NOT FASHION: Mi ui nalh tak tak te, mi ui fing tak tak te kan hmu a, a țha e. Mahse a pawi ta ber chu ui țha leh fing ni tura an enkawl dan kan hriatpui zui lo ta țhin leh kan peih ve ta țhin lo hi a ni! US Airforce a dog trainer pakhat chuan, "Miin a ui a hmangaih tak tak a nih chuan fashion tuartu atan a phal ngai lovang.." tiin a sawi a. Hei hi ngaihtuah chian chuan a ril a sin! Keini chuan mawi kan tih anga lan tir tumin an beng te kan hleh sakin an mei te kan tan sak țhin miau a tin ni!